Pogradec, 27 prill 2011, NOA – Një 32-vjeçar nga Pogradeci i ka dhënë fund jetës me një plumb në zemër. Ngjarja e rëndë ndodhi pak minuta më parë në lagjen nr. 1 të qytetit.
Viktima quhet Bledar Buzo dhe sipas policisë është vetëvrarë me automatik.
Policia mbërriti në vendngjarje e lajmëruar nga familjarët e viktimës, të cilët e kishin gjetur të afërmin e tyre të vrarë brenda në banesë.
Nga bisedat me familjarët u mësua se 32-vjeçari Bledar Buzo kishte pësuar depresion psikik dhe se kishte tentuar të vetëvritej edhe më parë.
Policia po heton për vetëvrasjen e Bledar Buzos, me dyshimin se ai është vetëvrarë për shkaqe depresive.
mit/NOA
