Tiranë, 29 prill 2011, NOA- Eugen Wollfarth, ambasadori i OSBE-së në Tiranë, apeloi sërish për rëndësinë e zgjedhjeve të 8 majit si dhe u bëri thirrje shqiptarëve për pjesëmarrje.
Këtë deklaratë ai e bëri pas takimit të zhvilluar ditën e sotme me kreun e shtetit Bamir Topi.
Gjatë fjalës së tij ai tha se, “8 maji është shumë e rëndësishme për vendin dhe shqiptarët duhet ta kuptojnë rëndësinë e këtyre zgjedhjeve”.
Sipas tij nëpërmjet këtij procesi elektoral Shqipëria është përballë sfidës për arritjen e standardeve.
Ndër të tjera Wollfarth ka theksuar se vendimi i Komisionit Qendror të Zgjedhjeve për të dënuar komisionerët të cilët do të pengojnë apo bllokojnë procesin zgjedhor është i drejtë.
Në vijim të qëndrimeve të mëparshme të publikuara nga misioni i OSBE-së në vendin tonë, i radhës pritet të jetë raporti i fundit parazgjedhor, ku pritet të shprehë qëndrimin e saj për mënyrën e mbarëvajtjes së zgjedhjeve.
a.y/NOA
