SHBA, 2 Maj 2011 NOA/ Rid Bulku - Kristianët gjithmonë kanë celebruar darkën e fundit të shumëpërfolur të Jezusit, ditën e enjte, por një studim i ri i publikuar këto ditë ka provuar se ajo është zhvilluar gjatë ditës së mërkurë, para kryqëzimit të tij.
Profesori Colin Humphreys, një shkencëtar i Universitetit të Cambridge, beson se gjithçka është bazuar në një kalendar të ngatërruar dhe ka përforcuar gjetjen e tij për të prezantuar një datë të fiksuar për pashkët.
Humphreys ka përdorur një kombinim të hulumtimeve biblike, historike dhe astronomike dhe kjo për të dhënë një datë sa më precize të vaktit të fundit të Jezusit, para se të ndahej nga jeta.
Kërkimet duhet thënë se patën mospërputhje të dukshme me të dhënat biblike.
Humphreys ka përmbledhur gjithçka të gjetjes së tij në një libër të ri, “The Mystery Of The Last Supper”(Misteret e Darkës së Fundit), ku sipas tij është përdorur një kalendar i gabuar në përcaktimin e ditës së saktë.
r.b/NOA
