Tiranë, 3 maj 2011, NOA – Një agjenci e këmbimit valutor në Tiranë është grabitur vetëm pak minuta më parë në një nga bulevardet e kryeqytetit. Mësohet se dy persona të maskuar mirë dhe të armatosur kanë hyrë me dhunë në agjencinë e këmbimit valutor, që ndodhej në bulevardin “Bajram Curri” në kryeqytet.
Policia ka rrethuar vendin e ngjarjes vetëm pak pasi dy grabitësit ishin larguar me motorr.
Burime nga policia thanë se grabitësit kanë vjedhur rreth 10 mijë euro.
Policia ka nisur të marrë në pyetje punonjësit e agjencisë, të cilët janë gjendur në këtë orë dreke nën tmerrin e armës.
Policia ka nisur menjëherë hetimin për identifikimin e grabitësve.
Sipas policisë dyshohet se grabitësit kanë qenë vetëm dy persona, që kanë mundur të largohen rrëmbimthi pas kanë vjedhur sasinë e parave në agjenci.
Policia bën me dije se ka ngritur patrullat e saj nëpër kryqëzimet e Tiranës për identifikimin dhe kapjen e grabitësve.
mit/NOA
