Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Kapet në Itali, i shumëkërkuari nga Interpoli për trafik armësh Besnik Kulla
English

Kapet në Itali, i shumëkërkuari nga Interpoli për trafik armësh Besnik Kulla

Vinçi, 9 maj, NOA - Një i arratisur shqiptar, tregtar armësh, u arrestua në Vinçi të Italisë, ku rezultonte si i fshehur prej kohësh.

Lajmi për kapjen e tij u konfirmua nga mediat italiane, sipas të cilave, kanë qenë pikërisht forcat e Guardia di Finanzas që kanë mundësuar kapjen e tij.

Fjala është për të shumëkërkuarin nga Interpoli dhe forcat e policisë në të gjithë Evropën, Besnik Kulla, pasi akuzohet për posedimin e mbajtjen e armëve dhe municioneve të luftës dhe agresionit.

Në agim, në shtëpinë ku ishte fshehur i arratisuri mbërritën forcat policore, ndërsa mësohet se ata e kanë bastisur atë.

Siç mësohet më pas, Kulla nuk u ka rezistuar policëve italianë, por u përpoq që t’i bënte të besonin se bëhej fjalë për një rast të identitetit të gabuar duke treguar një pasaportë me të dhëna të tjera shqiptare.

Një përpjekje e dështuar kjo, pasi Kulla nuk ka qenë megjithatë në gjendje për të dhënë datën e tij të lindjes të deklaruar në pasaportën e rreme.

Për të sqaruar çdo dyshim rreth tij, policia u detyrua që të kontrollonte gjurmët e gishtave.

Përveç urdhrit të ndalimit të lëshuar nga gjyqtarët shqiptarë kundër tij, një urdhër arresti ishte lëshuar edhe nga Prokurori Publik i Orvietos, për dhunë dhe rezistim ndaj një zyrtari publik.

Kulla, i cili tani është në burgun Sollicciano të Firences, do të qëndrojë për një vit e gjysmë aty dhe pastaj do të deportohet në Shqipëri.

n.e/NOA

KOMENTE