Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Wollfarth-Beçaj: Gjyqësori e drejtësia shtyllat e besimit tek shteti
English

Wollfarth-Beçaj: Gjyqësori e drejtësia shtyllat e besimit tek shteti

Tiranë, 19 maj 2011, NOA – Kreu i Prezencës së OSBE-së në Tiranë, ambasadori Eugen Wollfarth rikonfirmoi gaditshmërinë e OSBE-së për të bashkëpunuar me Gjykatën e Lartë në funksion të përmirësimit të sistemit gjyqësor në Shqipëri. Këtë gatishmëri Ambasadori i OSBE-së e ka pohuar gjatë takimit me Kryetaren e Gjykatës së Lartë Shpresa Beçaj dhe Kryetarin e Kolegjit Penal Gani Dizdari.

Ambasadori i OSBE-së Eugen Wollfarth theksoi se “Gjyqësori dhe Drejtësia janë shtyllat kryesore që ndihmojnë qytetarët e një vendi të krijojnë besimin tek shteti i vet”.

Këtu ai preçizoi se respektimi i pushtetit gjyqësor nga ana e pushteteve të tjera, e transmeton këtë respekt edhe tek publiku dhe opinioni i tij mbi drejtësinë dhe anëtarët e gjyqësorit shqiptar.

Kryetarja e Gjykatës së Lartë i shprehu ambasadorit mirënjohjen për ndihmën e vazhdueshme që OSBE i ka dhënë dhe vazhdon t’i japë sistemit të drejtësisë dhe

gjyqësorit në vendin tonë.

Beçaj vlerësoi rolin e kësaj organizate të rëndësishme në nxitjen e demokratizimit, funksionimin e shtetit ligjor dhe respektimin e të drejtave të njeriut, si kushte të domosdoshme për integrimin e vendit tonë në familjen europiane.

Gjatë bisedës Kryetarja e Gjykatës së Lartë e njohu Ambasadorin Wollfarth me disa nga problematikat kryesore, me të cilat përballet sot pushteti gjyqësor, duke u ndalur veçanërisht tek pavarësia dhe mirëfunksionimi i këtij pushteti, si një nga tiparet themelore të shtetit demokratik.

Gjatë takimit, Ambasadori Wollfarth shprehu interesimin e tij mbi bashkëpunimin që Gjykata e Lartë gjen me dy pushtetet e tjera, si dhe aktorë të tjerë, që operojnë në fushën e drejtësisë.

Në këtë kontekst zonja Beçaj e sqaroi se gjyqësori i ka bërë prezente në vazhdimësi problematikat, me të cilat përballet dy pushteteve të tjera, atij legjislativ dhe atij ekzekutiv.

Sipas Beçaj kapërcimi i kësaj situate lidhet me vazhdimësinë e reformës legjislative dhe institucionale, gjë që kërkon ndërmarrjen e hapave konkretë nga dy pushtetet e tjera.

Beçaj tha se Gjykata e Lartë e organizon veprimtarinë e saj me një buxhet të pamjaftueshëm dhe infrastrukturë të papërshtatshme për ushtrimin me dinjitet të detyrës së gjyqtarit.

Nevoja për reformimin e pushtetit gjyqësor, u mbështet edhe nga Ambasadori i

OSBE-së Eugen Wollfarth, i cili shprehu se legjislativi dhe gjyqësori duhet

të gjejnë një bashkëpunim të ngushtë dhe efektiv, sidomos gjatë proçesit

konsultativ për përgatitjen e projektligjeve.

mit/NOA

KOMENTE