Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Policia e Shtetit: 10 makinat e vjedhura të trafikuara në Shqipëri
English

Policia e Shtetit: 10 makinat e vjedhura të trafikuara në Shqipëri

Tiranë, 30 maj 2011, NOA – Përmes operacionit rajonal të koduar “CREDIT CAR II” Policia e Shtetit ka goditur aktivitetin kriminal të makinave të vjedhura duke zbuluar dhjetë automjete të vjedhura e të trafikuara në vendin tonë.

Sipas policisë u zbuluan veçanërisht automjete të vjedhura përmes mashtrimeve financiare si: automjete të blera me kredi, të marra me qera apo nëpërmjet mashtrimit me siguracionet.

Në kuadër të këtij operacioni nga strukturat e Policisë së Shtetit janë verifikuar rreth 1.085 automjete të llojeve të ndryshme.

Ato u verifikuan kryesisht gjatë kontrolleve të ushtruara me grupe kontrolli të lëvizshme brenda qyteteve dhe në akset rrugore, si dhe grupeve të ngritura në hyrje-dalje të qyteteve etj.

Sipas policisë vëmendje e veçantë i është kushtuar pikave të kalimit kufitar për të zbuluar dhe formën e mashtrimit, si dhe patrullimeve përgjatë kufirit jeshil.

Nga verifikimet e kryera përmes sistemit të Interpolit kanë rezultuar të vjedhura dhe të trafikuara në vendin tonë 10 automjete: 3 automjete janë konstatuar në qarkun e Durrësit; 3 automjete në Qarkun e Lezhës; 2 automjete në qarkun e Elbasanit; 1 automjet në qarkun e Korçës dhe 1 automjet në qarkun e Vlorës.

Policia e Shtetit informon se automjetet e trafikuara janë kryesisht të tipit të fundit dhe janë vjedhur në vende të ndryshme të rajonit dhe të Bashkimit Evropian.

Sipas policisë ndër këto 5 automjete janë vjedhur në Itali; 1 automjet në Austri; 1 automjet në Serbi dhe 2 automjete në Bullgari.

Më tej Policia konkretizon automjetet e vjedhura:

- automjeti tip BMW X5, me targë TR 5255 N, rezulton i vjedhur në Austri me datë 25.08.2005.

- automjeti tip Porsche Cayenne, me targë DX 938 DR, rezulton i vjedhur me datë 12.03.2010 në Itali.

- automjeti tip Mercedes Benz ML 320, me targë DP 530 MH, rezulton i vjedhur në Itali me datë 12.11.2009.

- automjeti tip Mercedes Benz me targë AA 928 AA, regjistruar i vjedhur në Itali me datë 18.02.2011.

- automjeti tip Mercedes Benz (C 220 CDI), me targë AA 697 AG, i cili është regjistruar i vjedhur në Itali me datë 15.03.2011.

- automjeti Audi Q5, me targë IBH, i cili është regjistruar i vjedhur në Greqi me datë 10.05.2010.

- automjeti tip Mercedes Benz, me targë MR 2361 A, i cili është regjistruar i vjedhur në Serbi me datë 17.01.2007.

- automjeti tip Volkswagen, me targë PG005A, rezulton i vjedhur në Bullgari.

- automjeti tip Volkswagen, me targë PG097A, rezulton i vjedhur në Bullgari.

- automjeti kamion tip IVECO Magirus, me targë EX 595 BE, i cili rezulton i vjedhur në Itali me datë 21.07.2010.

Policia e Shtetit bën me dije se ky operacion është zhvilluar, nga data 16 deri me 19 maj 2011, me nismën dhe drejtimin e qendrës SECI dhe me pjesëmarrjen e strukturave të policive, prokurorive, doganave, të Interpolit dhe Europolit të vendeve të Europës Juglindore anëtare të kësaj qendre ndërkombëtare.

Në këtë operacion u angazhuan Departamenti kundër Krimit të Organizuar dhe Krimeve të Rënda; Drejtoria kundër Narkotikëve dhe Trafiqeve, Drejtoria kundër Krimit Financiar; Departamenti për Kufirin dhe Migracionin; Departamenti i Sigurisë Publike; Drejtoria e Bashkëpunimit dhe Koordinimit Ndërkombëtar si dhe Drejtoritë e Policisë në Qarqe.

mit/NOA

KOMENTE