SHBA, 19 qershor, NOA – Këngëtarja Lady Gaga gjithmonë ka qenë origjinale në daljet e saj në publik. Por këtë herë duket se e ka tepruar, pasi nuk ka lënë një shijë shumë të mirë në publik. Ylli i muzikës pop ishte e ftuar në emisionin “Paul O'Grady Live” dhe ka performuar një prej këngëve të saj të fundit. Në skenë ajo është paraqitur me flokë jeshil dhe duke luajtur në një piano që ishte e mbuluar e gjitha me “flokë” karçurrelë.
Por në mes të këngës, Lady Gaga ka hequr paruken jeshile dhe ka zbuluar kokën e saj tullace. Kjo pamje me performancës e radhës së këngëtares ka “shokuar” opinioni. Fillimisht u kujtua se Lady Gaga kishte qethur kokën zero, duke imituar kështu këngëtaren tjetër të popit, Britny Speras. Më pas u kuptua se ishte vetëm një truk i këngëtares, e cila kishte vënë një maskë te flokët e saj, duke imituar qethjen zero të tyre.
Por pavarësisht performancës së saj që gjithmonë hap debate, këngët e Lady Gaga janë më të pëlqyera për momentin.
a.k/NOA
