Athinë, 22 qershor 2011, NOA – Qeveria e re e kryeministrit grek Jorgos Papandreu, e formuar të premten e shkuar kaloi provën e votëbesimit në parlamentin grek duke marrë 155 vota pro nga deputetët e PASOK-ut dhe 143 vota kundër nga opozita.
Kryeministri socialist e kaloi provën e votëbesimit mesnatën e shkuar, ku në total morën pjesë në votim 298 nga 300 deputetët që përbëjnë Parlamentin grek.
Votëbesimi i qeverisë së Papandreut ndërkohë kur Greqia është zhytur në krizë të thellë financiare ka marrë edhe përshëndetjen e Presidentit të Komisionit Europian, Hose manuel Barroso, i cili e cilësoi votëbesimin e ekzekutivit të ri si një lajm të mirë për Greqinë dhe Unionin Europian.
mit/NOA
