Ferizaj, 24 qershor 2011, NOA- Presidentja e Kosovës, Atifete Jahjaga ditën e sotme ishte e pranishme në ceremoninë e gradimit të kadetëve të Qendrës për Studime Universitare të FSK-së, në Ferizaj.
“Diplomimi dhe gradimi i gjeneratës së kadetëve është një arritje që shpreh përkushtimin, vullnetin dhe angazhimin tuaj që të shkolloheni e të aftësoheni dhe të ngriheni në karrierë, duke i shërbyer me profesionalizëm vendit dhe popullit, duke i përmbushur detyrat që priten prej Forcës së Sigurisë të Kosovës në partneritet me NATO-n, anëtare e plotë e së cilës do të jetë Republika e Kosovës”, u shpreh Jahjaga gjatë kësaj ceremonie.
Më tej ajo tha se në integrimin euroatlantik, FSK do të jenë segment i rëndësishëm i zbatimit të politikave të vendit dhe i angazhimit e kontributit të Kosovës, në misionet e përbashkëta me partnerët strategjikë ndërkombëtarë.
a.y/NOA
