E shtunë, 25 qershor 2011, NOA- Dukesha e Kembrixh, Kate Midleton për herë të parë është vënë sot në rolin e një ushtarakeje duke dhënë pesëdhjetë medalje për trupat irlandeze të sapo kthyer nga Afganistani.
Ajo ka qenë në krah të të shoqit Princit William, i cili që nga muaji shkurt është dekoruar kolonel i trupave të Irlandës.
Sipas mediave britanike Kate kishte veshur një fustan ngjyrë blu të errët në prerje ushtarake, me butona ngjyrë ari dhe një kapele në të njëjtën ngjyrë me fustanin.
Edhe në këtë ceremoni ajo u shfaq shumë e buzëqeshur, duke biseduar më tej me ushtrat për të mësuar nga përvoja e tyre.
a.y/NOA
