Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Shqipëria heq vizat me Serbinë, nënshkruhet marrëveshja mes dy vendeve
English

Shqipëria heq vizat me Serbinë, nënshkruhet marrëveshja mes dy vendeve

E martë, 5 korrik 2011, NOA- Gjatë ditës së sotme është nënshkruar marrëveshja për heqjen e vizave me Serbinë.

Kjo marrëveshje u nënshkrua mes Këshillit të Ministrave të Republikës së Shqipërisë dhe Qeverisë së Republikës së Serbisë, “Mbi lëvizjen e ndërsjellë të shtetasve”.

Si përfaqësues i palës shqiptare për nënshkrimin e kësaj marrëveshje ishte zëvendësministri i Jashtëm Selim Belortaja, ndërsa për palën serbe, ambasadori i Republikës së Serbisë në Tiranë, Miroljub Zariç.

Burime zyrtare nga Ministria e Jashtme bëjnë me dije se marrëveshja për lëvizjen e lirë është e bazuar mbi parimet e reciprocitetit të plotë midis dy shteteve, vullnetit të mirë dhe bashkëpunimit të ndërsjellë dhe synon mundësimin e qarkullimit të lirë të qytetarëve nga njëri shtet në tjetrin.

Kjo marrëveshje parashikon gjithashtu përjashtimin nga viza për hyrjen në territorin e secilës palë për një vizitë ose qëndrim që nuk i kalon 90 ditë brenda 180 ditëve.

Mësohet se procedura për shtetasit të cilët dëshirojnë të qëndrojnë për një periudhë më të gjatë kohe në territorin e njërës palë kontraktuese, për qëllime studimi, punësimi, ribashkimi familjar, etj, do ti nënshtrohet kërkesave të legjislacionit të brendshëm të secilit vend.

a.y/NOA

KOMENTE