E shtunë, 9 korrik 2011, NOA- Ashtu si dhe vitin e kaluar, prania e Kosovës dhe e Kryeministrit Hashim Thaçi në samitin tradicional të Kroacisë ka bërë që Serbia të bojkotojë punimet e tij.
Në samitin e Dubrovnikut ku do të mblidhen krerët e gjithë vendeve të rajonit të Europës Juglindore, Serbia sërish do të mungojë duke refuzuar edhe tryezën e përbashkët.
Ndërkaq organizatorë dhe mikpritës të këtij takimi janë Presidenti kroat, Ivo Josipoviq, kryeministrja Jadranka Kosor, dhe kryetari i Kuvendit kroat, Luka Bebiq, ndërsa përveç kryeministrit Thaçi, në takimin që ka nisur dje dhe përmbyllet të shtunën janë paralajmëruar se do të marrin pjesë edhe kryeministri belg, Yves Letern, kryeministri slloven Borut Pahor, ai bullgar, Bojko Borisov, maqedonas, Nikolla Gruevski, si dhe malazias, Igor Lukshiq.
a.y/NOA
