E martë, 26 korrik 2011, NOA- Angazhimi i Michele Obama në lobimin për ushqyerjen e mirë është i njohur në nivel botëror, aq sa është përfshirë të kontribuojë për të ndryshuar menunë epokale të Mc Donalds.
Me kontributin e saj ajo ka kërkuar që në menu të shtohen edhe disa copa molle dhe reduktimin e patateve të skuqura në vakt, të cilat janë shumë të preferuara nga fëmijët, duke synuar që ti përfshijë sugjerimet e saj në zgjedhjet e ushqimeve që do të serviren.
"Një hap pozitiv për të zgjidhur problemin e obezitetit te fëmijët”, kështu e ka komentuar Zonja e Parë këtë revolucion të vogël që do të bëhet realitet në shtator.
Kjo formulë fitimtare, parashikon një rënie të lehtë në kalori, më pak yndyrë dhe vitamina më shumë, por me të njëjtin çmim
a.y/NOA
