Kaliforni, 3 Gusht NOA - Leonardo DiCaprio dhe Johnny Depp janë aktorët hollivudainë më të paguar dhe kjo në bazë të një klasifikimi vjetor që bëhet nga revista javore Forbes.
Ylli i Los Anxhelos, protagonist i “Shutter Island” të Scorsese dhe “Inception” i Nolan, ka fituar 77 milionë dollarë (54 milionë euro) mes majit 2010 dhe majit 2011.
Më pak se 50 milionë dollarë (35 milionë euro) kanë arritur të grumbullohen për “Piratët e Karaibeve” të Johnny Depp.
Podiumi plotësohet me aktorin komik Adam Sandler i cili ka zënë vendin e tretë me 40 milionë dollarë (28 milionë euro) duke qëndruar para Will Smith me 36 milionë dollarë (25 milionë euro) dhe Tom Hanks 35 milionë dollarë (24,5 milionë euro).
r.b/NOA
