Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Egjipt, Mubarak del para gjyqit, me barrelë në kafazin e të pandehurit
English

Egjipt, Mubarak del para gjyqit, me barrelë në kafazin e të pandehurit

Kajro, 3 gusht 2011, NOA – Ka nisur para pak minutash në kryeqytetin e Egjiptit, Kajro, procesi historik i gjyqit kundër ish-presidentit egjiptian Hosni Mubarak dhe dy bijve të tij.

Ish-presidenti egjiptian i rrëzuar me protesta popullore pas mëse 30 vitesh në pushtet akuzohet për vrasjen e qindra civilëve gjatë protestave antiqeveritare në muajin shkurt dhe për korrupsion.

Agjencia e lajmeve Reuters përmes një mbulimi direkt të kësaj ngjarjeje historike për popullin egjiptian tregoi pamjet kur ish-presidentin e futën në kafazin e të pandehurit në sallën e Akademisë së Policisë ku do të mbahet gjyqi historik.

I shtrirë në barrelë për shkak të sëmundjes, Mubarak hyri në kafaz bashkë me dy djemtë e tij, Gamal e Alla Mubarak, që të tre të veshur me tunikën e bardhë të të pandehurit.

Që në hyrje të seancës Mubarak i kërkoi avokatëve mbrojtës t’i parashtrojnë trupit gjykues faktet e tyre të mbrojtjes.

Qindra njerëz, avokatë, aktivistë të të drejtave të njeriut dhe familjarë të viktimave kundër regjimit ishin në pritje të hyrjes së ish-presidentit në Akademinë e Policisë. Mubarak mbërriti me një ambulancë, por televizioni egjiptian nuk ua mundësoi shtetasve të vet mbërritjen e ish-kreut të shtetit në sallën ku do të mbahet gjyqi.

Procesi gjyqësor kundër Mubarak është momenti historik për dhjetëra mijë personat që përjetuan e morën pjesë në revolucionin e 11 shkurtit që i dha fund regjimit 30-vjeçar të Mubarakut.

Nëse akuzat e tij për vrasjen e civilëve vërtetohen atëherë ish-presidenti mund të dënohet me vdekje.

Ndërkohë mediat e huaja bënë me dije se mbrëmjen e të martës tre persona mbetën të plagosur në përleshjet para spitalit të Sharm el Sheikh, në gadishullin egjiptian të Sinait, ku mbahet i burgosur ish-presidenti.

Po kështu mbrëmë gazetarja e BBC-së Shayma Khalil, e ndaluar nga forcat e armatosura në përpjekje për të larguar manifestuesit nga sheshi qendror është liruar, pasi u mbajt 20 orë në një bazë ushtarake.

mit/NOA

KOMENTE