Tiranë, 11 gusht 2011, NOA - Unioni Shqiptar për Cilësinë e Jetës publikoi sot raportin për mënyrën se si është zhvilluar procesi zgjedhor. Sipas kreut të unionit, Edmond Stojku zgjedhjet e 8 majit i përmbushën standartet e megjithë problematikën e konstatuar. Sipas ALQU-së këto zgjedhje ishin konkuruese, transparente, dhe kanë hedhur themelet për zgjedhjet e ardhshme.
Gjithashtu vëzhguesit vendorë kanë vlerësuar pozitivisht vendimin e KQZ-së për të numëruar votat e hedhura në kutitë e gabuara dhe për t`i përfshirë ato në tabelat përmbledhëse përfundimtare. Sipas ALQU, situata paszgjedhore është karakterizuar nga një mjedis i politizuar, me sulme personale dhe demonstrata nga ana e opozitës.
Gjithashtu ALQU-ja ka vlerësuar edhe punën e efektivave të policisë gjatë procesit zgjedhor duke shtuar se forcat e policisë treguan profezionalizëm në përmbushjen e detyrave të tyre. Unioni për cilësinë e jetës ka ndjekur procesin zgjedhor para dhe pas mbajtjes së zgjedhjeve të 8 majit. Vëzhguesit e kësaj organizate u shpërndanë në qendrat e votimit në të gjithë Shqipërinë. Të dhënat e këtij unioni flasin për angazhimin e 1286 vëshguesve në qendrat e votimit si dhe 65 vëzhgues në vendet e numërimit të votave, të cilët kanë raportuar të gjithë problematikën e hasur gjatë këtij procesi.
a.q/NOA
