Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Shalë, fiton kandidati i PS
English

Shalë, fiton kandidati i PS

Tiranë, 22 Gusht 2011 NOA/ Albana Qehajaj – Komunën e Shalës përfundimisht e ka fituar Partia Socialiste.

Për kryetar komune në Shalë kandiduan Balë Vuksani për koalicionin opozitar Aleanca për të Ardhmen dhe Dedë Tonaj për koalicionin qeverisës Aleanca për Qytetarin.

Ndërsa në zgjedhjet e 8 majit, Balë Vuksani i kishte dalë i humbur me 572 vota kundrejt 692 të Tonajt, këtë radhë ka pasur një përmbysje të rezultatit.

Në zgjedhjet e ribëra dje, rezultoi fitues kandidati i Aleancës për të Ardhmen, socialisti Vuksani me 644 vota ose dy më shumë se rivali i tij demokrat.

Numërimi i votave u bë në Komisionin Qendror të Zgjedhjeve pasi në Shalë u shënuan incidente mes komisionerësh.

Me përfundimin e zgjedhjeve në Shalë, përmbyllet tërësisht procesi zgjedhor vendor në Shqipëri dhe pritet që KQZ të shpallë zyrtarisht rezultatet dhe të analizojë të gjitha të dhënat e detajuara për çdo bashki dhe komunë si dhe të zyrtarizojë pjesëmarrjen e votuesve në zgjedhje.

a.q/e.t/NOA

KOMENTE