Vushtri, 27 gusht 2011, NOA- Dy serbë me banim në Vushtri të Kosovës, pas një debati me fjalë janë konfliktuar ashpër.
Mësohet se si autor i kësaj ngjarje është ndaluar serbi cili në gjendje të dehur pas një mosmarrëveshje me fjalë që ka pasur me viktimën bashkëqytetar të tij, e ka sulmuar atë duke e goditur me pjesën e pasme të sëpatës disa herë në trup dhe kokë.
Pas kësaj viktima është dërguar me urgjencë në spitalin e Mitrovicës, ku dhe është vendosur nën kujdesin e mjekëve.
Ndërkaq nga ana e policisë në vendin e ngjarjes është konfiskuar sëpata me të cilën dyshohet se është kryer vepra, ndërsa autori i ngjarjes ka përfunduar në burg.
a.y/NOA
