Këshilli i Ministrave miratoi vendimin për kuotat e pranimeve në institucionet publike të individëve që studiojnë me kohë të pjesshme
Tiranë, 31 Gusht 2011 NOA/ Rid Bulku - Në mbledhjen e Këshillit të Ministrave, u miratua sot vendimi "Për kuotat e pranimeve në institucionet publike të arsimit të lartë dhe tarifat e shkollimit për studimet e ciklit të parë, me kohë të pjesshme e të edukimit në distancë, për vitin akademik 2011-2012."
Duke folur për këtë vendim, Kryeministri u shpreh se këto kuota do të kenë një rritje të lehtë krahasuar me vitin e kaluar, prej nga do të përfitojnë kategoritë më të diskriminuara në të kaluarën, siç janë të përndjekurit, romët, personat me aftësi të kufizuara.
Këtë vit në sektorin publik dhe privat ulen në bangot e shkollave të larta dhe të universiteteve të vendit me kohë të plotë dhe të pjesshme rreth 37 mijë shqiptarë.
Këtë vit janë mbi 70 % e atyre që mbarojnë shkollat e mesme që ulen në bankat e universiteteve. Ndaj kryeministri tha se ruajtja e këtij treguesi ka një rëndësi të jashtëzakonshme për rritjen e nivelit edukativ dhe arsimor të shoqërisë dhe kombit në tërësi.
Kuotat e pranimeve në institucionet publike të individëve që studiojnë me kohë të pjesshme kanë një rritje të lehtë krahasuar me vitin e kaluar.
Do të regjistrohen me të njëjtin çmim, plus inflacionin, ka një favorizim legjitim të kategorive më të diskriminuara në shkuarën, siç janë të përndjekurit, romët, personat me aftësi të kufizuara. Këtyre u rriten kuotat e pranimit.
Më poshtë gjeni të plota, kuotat dhe tarifat cikël i parë, kohë e pjesshme dhe edukim në distancë 2011-2012
Kuotat dhe tarifat cikël i parë, kohë e pjesshme dhe edukim në distancë 2011-2012
