Rusi, 14 Shtator NOA - Cristiano Ronaldo në gjurmët e Samuel Eto’o? Jo menjëherë po që në një të ardhme nuk të mohohet diçka e tillë. Talenti portugez me sa duket është objektivi tjetër i radhës i Anzhi dhe Ronaldo në një intervistë për “Sportbox”, nuk përjashton asnjë mundësi. “Di që kampionati rus po bëhet gjithnjë e më shumë kompetitiv dhe nuk përjashtoj absolutisht idenë që mund të luaj një ditë atje – ishin fjalët e Ronaldo – Në futboll asnjëherë nuk i dihet dhe asnjëherë nuk mund të parashikohet e ardhmja. Nëse një ditë do të përfundoja në Rusi atëherë mos u habisni. Megjithatë në fund të intervistës ai ka theksuar se aktualisht është shumë mirë në skuadrën e Real Madrid. r.b/NOA
