Londër, 16 Shtator NOA - Sipas shtypit anglez Milani dhe skuadra e Chelsea, janë duke menduar për një shkëmbim tepër interesant në repartin e tyre të sulmit. Me sa bëhet e ditur kuq e zinjtë e Allegrit janë të interesuar për sulmuesin e “bluve të Londrës”, spanjollin, Fernando Torres, i cili nuk konsiderohet si i pashitshëm nga drejtuesit e skuadrës. Pikërisht në lidhje me këtë dëshirë të Milanit Chelsea po mendon një shkëmbim interesant, ku nga kuq e zinjtë mund të marrë brazilianin Robinho. Megjithatë deri më tani mund të themi se gjithçka është thashethem shtypi pasi ende nuk është folur për shifra reale. r.b/NOA
