Londër, 17 Shtator NOA - Në 2008 modelja 24-vjeçare angleze Katie Piper është shformuar në fytyrë me acid nga ish i fejuari i saj, instruktori i arteve marciale Daniel Lynch. Pas tre vitesh Katie është rikthyer sërish në tapetin e kuq të Choice Awards TV në Hotel Savoja në Londër. Sot këtë disaventurë të sajën e ka kthyer në një mision: ka krijuar një fondacion me emrin Katie Piper Fondation, për të ndihmuar ata persona që jetojnë me cene të tilla, duke lançuar një linjë make-up të studiuar për të mbuluar shenjat dhe ka treguar historinë e saj në një dokumentar, “Katie: My Beautiful Face”. Për tu rikthyer në buzëqeshje, Katie, që ka ndenjur e verbër nga njëri sy, i është dashur të përballet me operacione të shumta ku ka pësuar 40 ndërhyrje të kirurgjisë plastike në lëkurë. Megjithatë shumë e vështirë është që ta shohim në sfilatat e Londrës, pasi 27-vjeçarja ende ka djegie të gradës së tretë në pjesën më të madhe të trupit të saj përfshirë këtu dhe pjesën më të madhe të hundës. r.b/NOA
