Paris, 17 Shtator NOA - Leonardo është interesuar të marrë David Beckham tek Paris Saint Germain. Diçka e tillë është konfirmuar nga ish-tekniku i Milanit dhe Interit, që aktualisht është në drejtim të klubit parisian. “Dera është e hapur – ka pohuar ai për BBC - Beckham është një lojtar i madh, një yll. Gjithmonë kam pasur shumë konsideratë për atë lojtar”. Leonardo nuk preokupohet për moshën 36-vjeçare të mesfushorit anglez: “Kemi ndërtuar një raport të mirë kur drejtoja Milanin. Është trajnuar dhe ka luajtur me entuziazmin e një djali të ri. Ai gjithmonë ishte i gatshëm për të dëgjuar dhe për të ndjekur këshillat. Beckham është në skadim të kontratës së tij, më saktësisht në muajin nëntor me klubin e Los Angeles Galaxy. r.b/NOA
