Durrës, 19 shtator 2011, NOA- Tre gra nga Durrësi janë marrë në mbrojtje nga policia pas denoncimit të tyre për bashkëshortët dhe dhunën e pësuar nga ata. Ndoshta mërzia nga vitet e martesës, a një qejfmbetje e momentit ka bërë që gratë e tyre shenjat dhe traumat e pësuara ti rrëfejnë në polici. Një 35-vjeçare, banuese në Durrës, u ka thënë uniformave blu se bashkëshorti i saj, shtetasi V.K., 39 vjeç, ka ushtruar dhunë fizike e psikologjike ndaj saj. Në të njëjtën linjë ka qenë një 34 vjeçare e cila ka deklaruar në polici se është dhunuar fizikisht e psikologjikisht nga bashkëshorti i saj me iniciale A.M., 39 vjeç. Ndërkaq një 35-vjeçare, banuese po në Durrës, ka bërë kallëzim se ndaj saj ka ushtruar dhunë psiqike jo burri por kunata e saj, shtetasja M.S., 23 vjeçe, banuese në rrethin Durrës. a.y/NOA
