Pogradec, 20 shtator 2011, NOA- Një 27 vjeçar nga fshati Dardhas i Pogradecit është vënë nën hetimet e policisë së këtij qyteti pas denoncimit të bërë nga një 21 vjeçare. Vajza me origjinë nga fshati Verdovë e Pogradecit është shprehur në polici se Fran Farolli për afro 3 muaj e ka kërcënuar këtë të fundit përmes telefonit, për shkak se kanë pasur një lidhje intime më parë bashkë. Sipas dëshmisë së vajzës djali nuk e pranonte ndarjen dhe që nga ai moment ia kishte bërë jetën të pamundur duke e kërcënuar vazhdimisht nëpërmjet thirrjeve telefonike. Pas marrjes së dëshmisë dhe ngritjes së padisë ndaj 27 vjeçarit nga Pogradeci nisën hetimet për veprat penale “Kanosje” dhe “Përdorim me keqdashje i thirrjeve telefonike”. a.y/NOA
