Malësi e Madhe, 26 shtator 2011, NOA – Një ngjarje e rëndë ka tronditur sot në mesditë Malësinë e Madhe. Një 27 vjeçar dyshohet se është qëlluar për vdekje nga babai i tij. Ngjarja ka ndodhur në fshatin Stërbec të Malësisë së Madhe, kur 27-vjeçari Edmond Lulaj dyshohet se ka mbetur viktimë i të shtënave të armës në duart e babait të tij, Marash Lulaj. Policia ka shkuar në vendin e ngjarjes dhe ka nisur hetimet për zbardhjen e saj, ndërkohë që ka vënë në pranga shtetasin Marash Lulajn. Sipas hetimeve paraprake, krimi brenda familjes ka ndodhur pas një debati mes 27 vjeçarit dhe babait të tij. Po sot, një i ri ka vrarë të fejuarën e tij dhe më pas ka qëlluar edhe veten. Ngjarja ka ndodhur në Rrogozhinë, ku rreth orës 10:00 të mëngjesit shtetasi Kreshnik Selmani, 27 vjeç ka vrarë me armë të fejuarën e tij shtatzënë 22-vjecaren Marsida Hoxha, e më pas ka qëlluar edhe veten me të njëjtën pistoletë. Burime pranë vendngjarjes pohuan se e reja ishte 3 muajshe shtatzënë. a.q/NOA
