Korçë, 4 tetor 2011, NOA – “Maliqi” u emërtua operacioni i policisë së Korçës i finalizuar me prangosjen e katër shpërndarësve të drogës në qytetin juglindor. Të arrestuarit janë Ajet Bazelli 50 vjeç; Besmir Zguri 23 vjeç; Nertil Zhupani 23 vjeç dhe Luan Prenjasi 24 vjeç, që të katërt banues në fushën Maliq të Korçës. Katër personat u prangosën në flagrancë pas hetimit tremujor me metoda speciale. Gjatë kapjes së tyre u sekuestruan 10 kg marijuanë. Në momentin e arrestimit Ajet Bazelli, Besmir Zguri, Nertil Zhupani dhe Luan Prenjasi qarkullonin me automjetin tip Benz, me targa KO 9651 B nga qyteti i Maliqit në drejtim të qytetit të Pogradecit. Të katër personat janë nën akuzë për prodhim dhe shitje të lëndëve narkotike. mit/NOA
