Mançester, 17 tetor NOA - Gara për të siguruar shërbimet e Carlos Tevez ka nisur. E ardhmja e lojtarit në fjalë është me siguri larg Manchester City, kjo bazuar në lidhjen jo të mirë me teknikun Mancini. Pikërisht për këtë arsye në radhë menjëherë janë vënë Inter dhe Tottenham. Sipas shtypit anglez janë këto dy skuadra që janë të gatshme që në muajin janar për të bërë ofertën e duhur, por me kusht që City të ulë çmimin nga 46 në 23 milionë euro. Tevez, në krahun tjetër, është i gatshëm të pranojë çdo ofertë vetëm për tu larguar nga skuadra e Manchester dhe për të mos u rikthyer kurrë aty. Lojtari faktikisht nuk pranon asnjë ofertë huazimi, por vetëm shitje përfundimtare të kartonit të tij. r.b/NOA
