Angli, 18 tetor NOA - E ardhmja e Milos Krasic tashmë mund të themi se është disi në dyshim për sa i përket qëndrimit të tij tek bardhë e zinjtë dhe kjo bazuar në të gjitha ndeshjet e fundit që ka zhvilluar mesfushori serb. Në ndeshjen e fundit me Chievon ai sërish nuk shkëlqeu dhe diçka e tillë pohon sërish se një largim i mundshëm që në janar nuk do të përbënte habi. Në krahun tjetër ekipet që preferojnë ta kenë në organikën e tyre Krasic janë të shumta dhe të gatshme për të ofruar shifrën e kërkuar nga bardhë e zinjtë dhe duhet theksuar se të gjitha janë në Angli. Pas interesit të hershëm të Manchester United tashmë në listën ekipeve janë shtuar dhe Chelsea me Arsenalin. r.b/NOA
