Turqi, 23 tetor 2011, NOA/ Albana Qehajaj – Një tërmet i fuqishëm, prej 6.6 ballësh ( sipas raportimeve paraprake) ka goditur qytetin Van në Turqi. Rrjeti prestigjioz CNN pak minuta më parë ka raportuar se, tërmeti ka tronditur tokën por edhe banorët të cilët të alarmuar kanë dalë nga banesat e tyre. Informacioni paraprak, cituar nga CNN bën të ditur se ka deri më tani 50 të plagosur, ndërsa fuqia e lëkundjeve të tokës ka qenë, jo zyrtarisht, 6.6 të shkallës rihter. Provona e Vanit, njihet si zonë me nivel të ulët ekonomik, ndërsa e gjithë zona është përfshirë nga paniku. Lëkundjet kanë zgjatur për afro 1 minutë, ndërsa disa ndërtesa janë rrënuar. (vijon) a.q/NOA
