Elbasan, 25 tetor 2011, NOA- Një aksident i rëndë ka ndodhur në unazën e qytetit të Elbasanit, ku një person ka ngelur i plagosur. Burime zyrtare nga policia e këtij qyteti bëjnë me dije se mjeti tip BMW me targa të huaja CR 173 WC, me drejtues Fatjon Toskën, 20 vjeç, ka përplasur motoçikletën me targa EL 159 C, me drejtues 21 vjeçarin me iniciale E.B që të dy banues në Elbasan. Ndërkaq si pasojë e përplasjes së tyre, ka mbetur i dëmtuar drejtuesi i motoçikletës i cili është dërguar me urgjencë në drejtim të spitalit, ndërsa drejtuesi i makinës është shoqëruar në ambientet e policisë, ndërsa po punohet për zbardhjen e plotë të rrethanave të ngjarjes. a.y/NOA
