Tiranë, 27 tetor 2011, NOA – Ka zgjatur vetëm 30 minuta mbledhja e kryesisë së Partisë Socialiste. Në mbledhjen e kryesuar nga kryesocialisti Edi Rama munguan disa prej 16 anëtarëve, mes të cilëve edhe Arben Malaj. Burime brenda takimit thanë së anëtarët kanë miratuar pa asnjë votë kundër ndryshimet e propozuara nga grupi i punës në statutin e PS si dhe programin e ri politik.
Kjo është mbledhja e fundit e kësaj kryesie pasi të shtunën, më 5 nëntor delegatët e Kongresit do të votojnë mes të tjerash edhe për forumet drejtuese të partisë si Asambleja Kombëtare dhe kryesia. Ndërkohë, bëhet e ditur se pritet që brenda javës së ardhshme të mbahet edhe Asambleja Kombëtare, e cila do të votojë vendimet e kryesisë përpara se ato t’i kalojnë Kongresit.
a.q/NOA
