Bilisht, 31 tetor 2011, NOA – Një grua ka mbetur e vrarë pas grabitjes që i kanë bërë banesës së saj tre të rinj. Ngjarja e rëndë ka ndodhur mbrëmjen e djeshme në Bilisht të Korçës. Sipas të dhënave paraprake tre persona kanë hyrë në banesën e familjes Rrota për të grabitur. Ata janë ndjerë nga një person i shtëpisë dhe janë përleshur më të. Viktimë e përleshjes me sende të forta ka mbetur Emine Rrota, 80 vjeç.
Nga të dhënat e para që ka mbledhur në vendngjarje, policia ka arrestuar si të dyshuar tre të rinj; Ergys Rushitaj 18 vjeç, Taulant Muka 19 dhe 17 vjeçarin me iniciale M.K. Ndërkohë që po hetohet për sqarimin e rrethanave të ngjarjes. a.k/NOA
