Tiranë, 3 nëntor 2011, NOA - Ministria e Ekonomisë, Tregtisë dhe Energjetikës ka vendosur një gjobë të re për kompaninë CEZ Shpërndarje, në shumën e rreth 500 mijë eurove. Kjo masë erdhi vetëm një javë pas gjobës së parë, prej 30 milionë lekësh të reja, vendosur për CEZ Shpëndarjen nga Drejtoria e Përgjithshme e Metrologjisë. DPM, në vijim të kontrolleve pas ankesave të qytetarëve shqiptarë, ka vërejtur shkelje dhe abuzime të shumta të kompanisë CEZ përsa u takon vënies së sahatëve. Ministria e Ekonomisë, Tregtisë dhe Energjetikës dhe Drejtoria e Përgjithshme e Metrologjisë parlajmërojnë masa të reja nëse kompania CEZ Shpërndarje nuk zbaton ligjin, në mbrojte të konsumatorëve shqiptarë.
a.q/NOA
