Itali, 6 nëntor 2011, NOA - Vijon situata e rëndë në shtetin fqinj, Italinë, pasi shirat e furishëm kanë vijuar edhe përgjatë të dielës duke përfshirë të gjithë vendin, nga veriu në jug.
Një situatë paniku ka përfshirë mbarë vendin pasi përmbytjet e furishme kanë shkatërruar një sërë sistemesh, atë rrugor, elektrik si dhe në disa zona janë shkëputur tubat e gazit. Pas tragjedisë ku humbën jetën 6 persona mes tyre edhe 3 shqiptarë, një mashkull napoletan është raportuar i vdekur. Paniku ka përfshire edhe Piemonten ku niveli i lumit Po, i ka kaluar 5 metra. Por koha e keqe ka goditur edhe jugun. Një person është raportuar i vdekur në Napoli, konkretisht në Arco Felice.
Ndërsa në Alessandrino, shumë rrugë janë bllokuar dhe të paktën 500 persona janë evakuuar. a.q/NOA
