Torino, 7 nëntor NOA - Del Piero në fund të sezonit do të largohet nga Juventus. Kapiteni aktual i bardhë e zinjve, ka shprehur qartë dëshirën e tij për të vazhduar dhe më tej karrierën e tij futbollistike dhe duhet thënë se është i tërhequr shumë nga ideja për të luajtur në Premier League. Sipas medieve britanike, në kampionatin anglez, aktualisht dy skuadrat që kanë bërë lëvizjet e tyre në drejtim të Alex janë Tottenham dhe West Ham (aktualisht në serinë e dytë angleze në Championship). Në krahun tjetër të mundshme mbeten dhe hipotezat e tjera në SHBA dhe në Emiratet Arabe. r.b/NOA
