Korçë, 11 nëntor 2011, NOA – Tre persona janë ndaluar nga policia pasi akuzohen për vjedhjen e tubave të ujësjellësit. Ngjarja ka ndodhur në Fshat-Maliq në datën 8 nëntor. Ndërsa personat që kanë dëmtuar ujësjellësin janë; Agim Ajdar Haxhi 48 vjeç, dhe dy adoleshentë me inicialet, M.B 17 vjeç dhe S.B 16 vjeç, të dy banues në Maliq.
Sipas policisë, të tre personat kanë dëmtuar tubat që furnizonin me ujë fshatin Maliq dhe më pas kanë marrë disa prej tyre për t’i shitur. Pas sinjalizimit të policisë, kanë nisur dhe hetimet për ngjarjen. Nga dëshmitë e banorëve u bë i mundur dhe identifikimi i autorëve. Ndaj 48-vjeçari u mor masa e ndalimit. Ndërsa ndaj dy të rinjve hetimi po vazhdon në gjendje të lirë.
a.k/NOA
