Prishtinë, 11 nëntor 2011, NOA – Nis sot procesi i gjykimit të deputetit të Kuvendit të Kosovës dhe nënkryetar i PDK-së, Fatmir Limaj për krime të luftës dhe të ashtuquajturin Kleçka. Procesi nis edhe për tetë bashkëluftëtarë të Limajt.
Pala mbrojtëse paralajmëron se do të kërkojë shtyrjen e këtij procesi deri pas vitit të ri. Kjo për shkak sepse avokatët nuk i dinë rrethanat e vdekjes së dëshmitarit kyç në këtë proces, Agim Zogaj. Avokati i Limajt, Tahir Rrecaj ka deklaruar se EULEX-i e ka për detyrim ligjore ta njoftojë atë për rrethanat që çuan në vdekjen e dëshmitarit X.
Në seancën e së premtes do të jenë të pranishëm nëntë të akuzuarit përfshi edhe deputetin Fatmir Limaj. Avokati Rrecaj nuk përjashtoi mundësinë që EULEX-i në seancën e së premtes të dorëzojë dokumentet e autopsisë, por megjithëkëtë ai tha se do të kërkohet shtyrja e nisjes së gjykimit për vitin 2012.
NOA
