Tiranë, 15 Nëntor 2011 NOA – Eleonora Bregu, e njohur si Eleonora, gruaja e vetëshpallur si shenjtore, ka vrarë veten me armë zjarri.
Ngjarja ka ndodhur pak minuta më parë në godinën tek “Komuna e Parisit”, ku Eleonora kishte selinë dhe banesën e saj. Në këtë godinë ajo kryente dhe ato që i quante shërbesa në ndihmë të njerëzve që kanë probleme shëndetësore apo sentimentale.
Kjo godinë dhe hapësira rreth saj disa herë ishte bërë objekt përplasjesh me shtetin dhe me persona privatë për shkak të konflikteve të pronësisë.
Burime policore bëjnë të ditur për agjencinë e lajmeve NOA.al, se Eleonora Bregu ka lënë një letër ku ka shprehur njoftimin se po vriste veten.
n.s/NOA
