Romë, 16 nëntor 2011, NOA- Pak minuta më parë i gjithë kabineti qeveritar italian, duke filluar nga Kryeministri Mario Monti e te ministrat bënë betimin për detyrën e marrë, para Presidentit të vendit Giorgio Napolitano.
Në betimin e bërë para Kreut të Shtetit dhe qytetarëve italian Kryeministrti Monti u shpreh se, “Betohem se do jem besnik i Republikës duke u bazuar në Kushtetutë e ligj, në interes të kombit”.
Më herët Monti prezantoi publikisht edhe përbërjen e kabinetit të ri qeveritar, ku bie në sy fakti se çështjet ekonomike i janë lënë në dorë teknikëve duke lënë mënjanë emra politikanësh. Kështu, vetë Kryeministri i ri Mario Monti, i njohur për kontributin e tij në ekonominë europiane, do të jetë edhe ministri i ri i Ekonomisë, ndërsa ministrat njëri pas tjetrit bënë betimin dhe u zotuan për detyrën e re duke shprehur angazhimin maksimal për përmbushjen e saj.
Përbërja e qeverisë Monti:
1. Mario Monti, Kryeministër dhe ministër i Ekonomisë
2. Antonio Catricala, Zv.Kryeministër
3. Anna Maria Cancellieri, ministër i Brendshëm
4. Paola Severino, ministër i Drejtësisë
5. Giampaolo Di Paola, ministër i Mbrojtjes
6. Corrado Passera, ministër i Zhvillimit Ekonomik
7. Giulio Terzi di Sant'Agata, ministër i Jashtëm
8. Francesco Profumo, ministër i Arsimit
9. Lorenzo Ornaghi, ministër i Kulturës
10. Mario Catania, ministër i Bujqësisë
11. Renato Balduzzi, ministër i Shëndetësisë
12. Enzo Moavero Milanesi, ministër për Marrëdhëniet me BE
13. Elisa Fornero, ministre e Punës
14. Corrado Clini, ministër i Mjedisit
15. Piero Gnudi, ministër i Turizmit dhe Sportit
16. Piero Giarda, ministër për Marrëdhëniet me Parlamentin
a.y/NOA
