Lezhë, 17 nëntor 2011, NOA- Dy aksidente me pasojë vdekjen kanë ndodhur mbrëmjen e sotme në aksin rrugor Lezhë- Laç.
Sipas të dhënave paraprake thuhet se aksidenti i parë ka për viktimë një fëmijë të moshës 13 vjeçare i cili është përplasur nga një automjet teksa kalonte rrugën.
Ndërkaq aksidenti tjetër ka për viktimë 40 vjeçarin Simon Nikolli, i cili ndërsa ka qenë duke drejtuar një makinë ka humbur kontrollin dhe ka dalë nga rruga.
Lidhur me këto dy raste uniformat blu kanë nisur hetimet për zbardhjen e plotë të shkaqeve që çuan në dy viktima.
a.y/NOA
