Voghera, 18 nëntor 2011, NOA- Policia e Vogheras në Itali prangosi brenda një qendre tregtare një 19 vjeçar shqiptar i quajtur Hamdi Taka.
I riu përfundoi në pranga pasi tentoi të vjedhë mall nga një repart veshjesh, duke veshur dy xhupa njëri sipër tjetrit pasi u kishte hequr etiketat dhe një palë këpucë të markës Nike duke i veshur në vend të të tijave, të gjitha këto kapnin vlerën e 300 eurove.
Djali sapo u pikas u vu në ndjekje nga një punonjës i sigurisë, i cili pasi u sigurua për veprimet e klientit anormal, e bllokoi atë.
Menjëherë për këtë rast në vendngjarje mbërriti policia e cila e prangosi atë, ndërsa mëngjesin e sotëm u dënua me gjykim të përshpejtuar me 4 muaj detyrim paraqitje në polici, ndërsa iu rikthye lirisë.
a.y/NOA
