Tiranë, 19 nëntor 2011, NOA – Motivet e xhelozisë bashkëshortore janë bërë shkas për një tjetër krim brenda familjes, të shënuar mbrëmjen e sotme në fshatin Bërxull, pranë kryeqytetit, raporton agjencia e lajmeve NOA.al.
Autori i krimit është një 50-vjeçar, emri i të cilit, është Arif Serjani.
Burime nga policia e Tiranës bënë me dije se Serjani mbrëmjen e të shtunës, pas një sherri për motive xhelozie me bashkëshorten e tij, në kulm të nervave, ka shtënë në ajër me çifte, dhe më pas duket se nuk është mjaftuar me kaq, por ka goditur për vdekje me thikë, gruan e tij, Arjana Serjani, mbi të 40-at.
Pas krimit të rëndë autori është vetëdorëzuar në polici ku ka rrëfyer detajet e ngjarjes së rëndë, me sa duket për të përfituar edhe ulje të dënimit.
Forcat e policisë kanë shkuar në familjen Serjani, ku kanë parë nga afër skenën e krimit. Vijon...
mit/NOA
