Tiranë, 21 nëntor 2011, NOA- Familja e Leka Zogut të I-rë ka reaguar ditën e sotme lidhur me gjendjen shëndetësore të pretendentit për fronin mbretëror.
Sipas njoftimit të familjarëve thuhet se Leka Zogu i I-rë ka dalë nga gjendja kritike.
Ndërsa sipas raportit mjekësor të Profesor Mentor Petrela thuhet se, “Leka Zogu i I-rë ka dalë nga gjendja kritike dhe po i nënshtrohet terapive të nevojshme të rutinës. Ndërkohë ka filluar edhe procesi i rehabilitimit të tij”.
Leka Zogu i I-rë është shtruar në spitalin QSUT Tiranë para 4 ditësh dhe gjatë kësaj kohe ka patur vizita të shumta nga personalitete nga Shqipëria e Kosova si dhe nga qytetarë të ndryshëm.
I sëmuri Leka Zogu i parë dhe djali i tij Leka i II-të në qëndrimin zyrtar kanë shprehur falenderimet dhe mirënjohjen e tyre ndaj të gjithë njerëzve që u gjenden pranë në këto ditë.
a.y/NOA
