Prishtinë, 22 nëntor 2011, NOA- Presidentja e Kosovës Atifete Jahjaga dekoroi sot Gjeneral Lejtnant Sylejman Selimin me medaljen e Artë të Lirisë.
Në një ceremoni enkas për këtë rast Presidentja Jahjaga i dorëzoi sot komandantit të deritashëm të Forcës së Sigurisë së Kosovës, Sylejman Selimi, Medaljen e Artë të Lirisë.
Presidentja Jahjaga e ka dekoruar gjeneral Selimin, për kontributin e lartë dhënë për lirinë dhe pavarësinë e Kosovës.
Mësohet se Medalja e Artë të Lirisë u jepet qytetarëve të Kosovës dhe të huaj, për kontribut në mbrojtjen e lirisë së Kosovës.
Po sot u mbajt ceremonia e ndërrimit të Komandës së Forcës së Sigurisë së Kosovës, ku gjeneral Sylejman Selimi i dorëzoi detyrën komandantit të ardhshëm të FSK-së gjeneralit Kadri Kastrati.
a.y/NOA
