Igumenicë, 24 nëntor 2011, NOA - Goditet një rrjet i trafikimit ndërkombëtar i drogës i cili përfshin Shqipërinë, Greqinë dhe Irlandën, ndërsa janë sekuestruar në total 241 kilogram kanabis.
Policia bën me dije se pasi ka marrë informacione nga agjentët e INTERPOL, se nga Shqipëria vinin sasi me hashash që futeshin në Iguemenicë e më pas eksportoheshin në Irlandë ka nisur hetimin dhe në orët e para të mëngjesit të sotëm ka evidentuar dy furgona që lëviznin dyshimtë në kufirin shqiptaro-grek
Operacioni është kryer nga policia e Igumenicës vetëm pak orë pasi droga kishte kaluar kufirin shqiptaro-grek, ndërsa destinacioni ishte Irlanda, ndërkohe që në pranga ka rënë këngëtari aktori grek Franko Alfonso, si dhe një shqiptar e një irlandez.
Policia greke bën me dije se furgonat ishin furnizuar me hashash në kufirin shqiptaro-grek nga shtetas shqiptarë. Sipas policisë një prej furgonave drejtohej nga një shtetas irlandez, 36-vjeç, ndërsa furgoni që u kap në Athinë, drejtohej nga shtetasi Franko Alfonso, 46-vjeç, këngëtar dhe aktor greko-italian, si dhe nga një grek 40-vjeç.
Droga ishte vendosur pas një ngarkese me portokalle ndërsa do të transportohej në Athinë e më pas në Irlandë. a.q/NOA
