Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Italia: Studentët shqiptarë, të dytët nga të huajt e universiteteve tona
English

Italia: Studentët shqiptarë, të dytët nga të huajt e universiteteve tona

Romë, 25 nëntor, NOA - Në kontingjentin e studentëve të huaj në Itali, shqiptarët renditen të dytët, pas atyre kinezë. Kjo është e dhëna më e fundit që mbërrin nga statistikat italiane të arsimit, sipas të cilës, kjo kategori në tërësi zë 3.6% të totalit të studentëve të huaj që preferojnë universitetet italiane për të marrë një diplomë.

Raporti në fjalë, i cituar nga e përditshmja “Repubblica”, pohon sesi numri i tyre në klasat e universitetit, rritet vit pas viti. Dhe degët që studentët shqiptarë preferojnë më shumë në Itali, janë ajo e Ekonomisë, ndjekur nga Mjekësia dhe Inxhinieria.

Të dhënat tregojnë gjithashtu se studentët e huaj të regjistruar në vitin akademik 2010-2011 kanë shënuar një një rritje në krahasim me vitet e mëparshme. “Pas Italisë, Kina dhe Shqipëria janë dy vendet më të përfaqësuara në auditoret e universiteteve tona”, citojnë ekspertët italianë të arsimit.

Duke vijuar më tej me faktin se në total, numërohen 61.777 studentë të huaj në universitetet italiane; duke u renditur gjithsesi pas Gjermanisë ku studentët e huaj zënë 10.9% të totalit, apo në Francë ku zënë 11.2% dhe pothuajse 20% në Mbretërinë e Bashkuar.

Në Itali, të dhënat zyrtare flasin për një rritje të këtij treguesi me shifrën e qëndrueshme prej 0.2% në vit. Kjo mund të shpjegojë edhe faktin se përse punësimi i të huajve me diploma universitare ka qenë në rritje në vendin përtej detit, nga 3.8% në vitin 2008 në 4.6% në vitin 2010. Ku mund të studioni? Ndër studentët e huaj, 33% preferojnë Italinë e Qendrës. Një përqendrim i tyre që shpjegohet nga prania e tyre në qytete të tilla si Roma (9449 studentë të huaj), Firence (2942) dhe Piza (1427) etj.

Ndërsa sa i përket zgjedhjes së degëve, statistikat e arsimit të lartë italian tregojnë se studentët e huaj që studiojnë ekonomi numërohen 18.2% të totalit. Ata për Mjekësi dhe Kirurgji numërojnë 13.8% të totalit, ndërsa shkencat e Komunikimit janë të fundit në renditjen e preferencave, me vetëm 0.6% të frekuentimit në total të tyre.

n.e/NOA

KOMENTE