Prishtinë, 29 nëntor 2011, NOA- Misioni i OSBE- së ka reaguar pak më parë lidhur me sulmin e serbëve ndaj trupave të KFOR në veri.
Në një qëndrim zyrtar të kësaj organizate thuhet se, “Çdo sulm për paqeruajtësit është i papranueshëm, asgjë nuk e arsyeton dhunën ndaj KFOR, pasi çështjet duhet të zgjidhen në mënyrë të qetë. Urojmë shërim të shpejtë ushtarëve të plagosur”.
Në veri janë shënuar sërish përleshje mes serbëve në veri e forcave të KFOR-it, në Jagenjicë ku eksponentë serbë kanë përdorur gaz lotsjellës kundër ushtarëve të KFOR-it. Siç informon agjencia e lajmeve NOA.al, ky incident është në vijim të përplasjes së djeshme të eksponentëve serbë më ushtarët e KFOR-it, ku mbetën të plagosur 30 ushtarë të misionit paqeruajtës.
a.y/NOA
