Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Ksera: Turqia, vendi i parë me të cilin kemi marrëveshje për sigurimet shoqërore
English

Ksera: Turqia, vendi i parë me të cilin kemi marrëveshje për sigurimet shoqërore

Tiranë, 30 nëntor 2011, NOA- Ministri i Punës Çështjeve Sociale dhe Shanseve të Barabarta Spiro Ksera, priti sot në takim homologen turke, Fatma Sahin, ku u diskutua nënshkrimi i marrëveshjes në fushën e shërbimeve sociale mes dy vendeve.

Në qendër të bisedës mes tyre ishte bashkëpunimit në fushën sociale mes Turqisë dhe Shqipërisë.

Dy homologët vlerësuan nivelin e lartë të bashkëpunimit mes dy vendeve dhe shteteve duke u ndalur në fushat e punësimit dhe të çështjeve sociale.

“Turqia është vendi i parë me të cilin Shqipëria ka firmosur marrëveshje në fushën e Sigurimeve Shoqërore dhe një javë më parë Qeveria shqiptare miratoi edhe marrëveshjen e bashkëpunimit në fushën e punësimit dhe të formimit profesional. Të dyja këto marrëveshje janë shumë të rëndësishme dhe kontribuojnë në shkëmbimin e eksperiencave pozitive mes institucioneve tona, duke lehtësuar edhe jetën e shtetasve nga të dy vendet që kanë zgjedhur të jetojnë në vendet e ndërsjellta”, u shpreh Ksera.

Ndërsa ministrja Sahin u shpreh e gatshme për të forcuar bashkëpunimin mes dy ministrive.

Në fund të takimit të dy homologët ranë dakord që ekspertët e të dy ministrive të fillojnë punën për draftimin e një marrëveshjeje në fushën e shërbimeve sociale.

a.y/NOA

KOMENTE